John 20

Yesu wufuluka

(Matayi 28.2 ; Malako 16.1-4 ; Luka 24.1-2,9-12)

1Mu lumbu kitheti kisabala, buna kudi tombi, Maliya muisi Mangadala wuyenda ku ziami ; wumona ditadi dibotulu va muelo ziami. 2Wuzawula ayi wuyiza kuidi Simoni Piela ayi nlonguki wowo Yesu kaluta zola, wuba kamba :

—Babotudi nitu yi Pfumu mu ziami ; tukadi zaba kuevi batudidi yawu !

3Piela ayi nlonguki wowo batotuka ; bayenda ku ziami. 4Bawu buadu bazawula va kimosi, vayi nlonguki wowo wunkaka wulutila Piela mu thinu ayi wuba wutheti mu tula ku ziami. 5Bu kayinama, wumona kaka minledi mizikulu Yesu va tsi vayi kasia kota ko. 6Simoni Piela, mutu wuba kunlandakana ku manima, wutula, wukotamu ziami ayi wumona minledi va tsi 7ayi nledi wowo bazinga ntu wu Yesu. Nledi beni wusia ba va kimosi ko ayi minledi miomi mizikulu Yesu vayi wawu va buangu kinkaka wuba.

8Bosi nlonguki wunkaka wowo wuba wutheti mu tula ku ziamimamvandi wukota. Wumona ayi wuwilukila. 9Bila buna basudikidi ko ti Yesukafueti fuluka mu bafua.

10Bosi minlonguki mivutuka kuawu.

Yesu wumonikina Maliya muisi Mangadala

11Vayi Maliya wutelama ku nganda, va ndambu ziami, wudila ngolo. Bu kaba dila, wuyinama mu ziami, 12wumona zimbasi zizole zivuata minledi miphembi zivuanda va buangu kioki batula nitu yi Yesu : wumosi wuvuandila ku ndambu kubela ntu, wumosi ku ndambu yibela malu.

13Zinyuvula :

—A nketo, bila mbi wulembo didila e ?

Maliya wuba vutudila :

—Mu diambu bayibidi nitu yi Pfumu ama, ndikadi zaba kuevi batudidi yawu !

14Bu katuba bobo, wubaluka ; wumona yesu buna katelimini. Vayi kasia zaba ko ti niandi.

15Yesu wunyuvula :

—A nketo, bila mbi wulembo didila e ? Nani wuntomba e ?

Maliya kabanzila ti mutu beni wuba kisadi mu ndima yi minti. Buna wunkamba :

—A tata, enati ngeyo wumbongidi, buna wukhamba kuevi wuntudidi muingi ndienda mbongi.

16Yesu wuntela mbila :

—A Maliya !

Wabaluka ku kaba, wutambudila mu kiebelewo :

—Labuni ; bu dinsundula : “nlongi”.

17Yesu wunkamba :

—Kadi kutsimba, bila ndiyedi ko kuidi Dise diama. Vayi yenda bati bakhomba ziama ayi wuba kamba ti ndieka kuenda kuidi Dise diama ayi Dise dieno ; kuidi Nzambi ama ayi Nzambi eno.

18Maliya muisi Mangadala wuyenda bata minlonguki ; wuba kamba ti :

—Mbueni Pfumu ayi mawu mama mambu kakhembi.

Yesu wumonikina minlonguki miandi

(Malako 16.14 ; Luka 24.36-43)

19Mu masika ma lumbu beni, lumbu kitheti ki sabala ; mielo mi nzoyoyi yiba minlonguki miba mizibama mu diambu di boma bamona bayuda. Bazimbukila Yesu wuyiza ayi wutelama va khatitsikꞌawu. Wuba kamba :

—Ndambama yibanga yeno.

20Bu katuba bobo ; wuba monisa mioko miandi ayi luvati luandi. Minlonguki mimona khini bu mimona Pfumu.

21Yesu wubuela kuba kamba diaka :

—Ndembama yibanga yeno ! Banga buthumina, Tata minu mamvama buawu ndikulutumina !

22Bu katuba bobo ; wuba vemunina phemo ayi wuba kamba :

—Tambulanu Pheve Yinlongo !
23Woso luela lemvukila masumu, mela lemvokolo Vayi woso luela manga lemvukila, buna masumu mandi balendi lemvokolo ko.

Yesu wumonikina Toma

24Toma, wumosi mu kumi bamvuala buadi, mutu babantedilanga “kitsimba”
kitsimba : voti Didimo.
, kasia ba yawu ko mu thangu Yesu kayiza.

25Minlonguki minkaka minkamba :

—Toma, beto tumueningi Pfumu !

Vayi wuba vutudila :

—Enati ndikadi mona biviasi bi zitsoso mu mioko miandi ayi enati ndikadi tula nlembo mu biviasi bi zitsoso ayi ti ndikadi tula koko kuama va luvati luandi buna ndilendi wilukila ko.

26Nana di bilumbu bu bivioka, minlonguki mibuela ba diaka muna nzo. Toma mamvandi wuba yawu. Yesu wuyiza, vayi mielo miba mizibama. Yesu wutelama va khatitsikꞌawu, wuba kamba :

—Ndembama yibanga yeno !

27Bosi wukamba Toma :

—A Toma, tula nlembo aku vava, tala mioko miama ; tuala koko kuaku ayi tula kuawu mu luvati luama. Kadi memata vayi wilukila !

28Toma wumvutudila :

—Pfumuꞌama ayi Nzambiꞌama !

29Yesu wunkamba :

—Buabu wilukidi bila wumbueni. Khini yiwombo kuidi bakambulu mona, vayi bawilukidi !

30Yesu wubuela vanga diaka bikumu biwombo, binkaka va meso ma minlonguki miandi, bikambu sonama mu buku yayi. 31Vayi mambu mama masonama muingi luwilukila ti Yesu niandi Klisto, Muana wu Nzambi, muingi lubaka luzingu mu dizina diandi beno bu luwilukidi.

Copyright information for YomNWM